Shoqata Vëllazërore Humanitare Kulturore “Istanbul” përfundoi me sukses projektin “Kurban 2017”.
Edhe këtë vit më qëllim mbështetjen e shtresave më në nevojë u realizua për tre ditë me rradhë shpërndarja e mishit të Kurbanit.
I gjithë procesi i zbatimit të këtij projekti, ku përfshihet furnizimi, transporti, therja, paketimi dhe shpërndarja u realizua nën kujdesin e veçantë të kryetarit të shoqatës “Istanbul” z.Ridvan Seferaj, nga një staf profesional ku bënin pjesë edhe një numër i konsiderueshëm vullnetarësh.
U shpërndanë 4500 pako me mish kurbani, nga këto, përfituan individë, familjarë në nevojë, institucione e organizata të ndryshme të shërbimit social, ndër të cilat:
- Shtëpia e fëmijës Shkodër
- Shtëpia e të moshuarve Shkodër
- Shoqata e jetimëve Shkodër
- Shoqata “Për të drejtat e komunitetit Egjiptian”
- Shoqata “Misionarët e Paqes”
Harta e shpërndarjes sipas një grafiku të paracaktuar, bazuar mbi kërkesat dhe nevojat e evindentuara, përfshiu rrethet Tiranë, Shkodër, Mamurras, Shijak, Kavajë dhe Malësi e Madhe.
Realizimi i këtij projekti u bë i mundur falë mbështetjes së fondacionit “Aziz Mahmud Hudayi”.
Ndihmuan në zbatimin e projektit fondacioni “Diyanet” Turqi, si dhe fondacioni “Denis Feneri”.
Projekti u realizua me sukses edhe falë partneritetit të shkëlqyer me organet e pushtetit vendor dhe atij qëndror, organizatat, institucionet dhe të gjithë individët të cilët kontribuan në këtë proces.
