Themelimi i Shoqatës “Istanbul”

Shoqata Vëllazërore Humanitare Kulturore “Istanbul” e filloi veprimtarinë e saj si një shoqatë e pavarur, jo qeveritare me vendim të Gjykatës së Shkallës së Parë Tiranë nr. 3895 datë 28.12.1999.

Veprimtaria Shoqatës “Istanbul”

Fillimisht e nisi me zbatimin e disa  projekteve në fushën e përkrahjes sociale dhe ndihmave humanitare të tilla si: ndihmat ushqimore mujore, pakot ushqimore të Ramazanit, Projekti i Kurbaneve, Iftaret e muajit Ramazan etj.

Medreseja “Haxhi Sheh Shamia” Dega Vajza

Në vitin 2000 mbi bazën e një marrëveshjeje me Komunitetin Mysliman të Shqipërisë, merr në administrim Medresenë “Haxhi Sheh Shamia” Shkodër, Dega e Vajzave, duke e shtrirë kështu veprimtarinë në fushën e arsimit.

Medreseja “Haxhi Sheh Shamia” Dega e Djemve

Shoqata Istanbul e zgjeron veprimtarinë e saj në fushën e arsimit me marrjen nën administrim të Medresesë “Haxhi Sheh Shamia” Shkodër, Dega e Djemve në vitin 2007.

Kopshti “Aromë Trëndafili”

Në vitin 2014 licencohet për veprimtarinë “Arsim parashkollor kopsht” , me numër licence LN-7977-05-2014, dhe hap kopshtin “Aromë Trëndafili.”

Medreseja “Haxhi Sheh Shamia” Arsimi Fillor

Në Shtator të 2015-ës , në një godinë të standardeve më të larta bashkëkohore, hap shkollën për arsimin fillor, duke u bërë  Medreseja e parë  në  Shqipëri që  ofron këtë  lloj shërbimi.

Qendra Kulturore “Istanbul”

Shoqata Istanbul, në Dhjetor të vitit 2017, hap një qendër kulturore, e cila e nis aktivitetin fillimisht si Qendër e Memorizimit të Kur’anit Famëlartë, me objektivin për tu pasuruar në të ardhmen me një sërë shërbimesh të tjera, të cilat do të kontribuojnë në gjallërimin e jetës kulturore, shpirtërore e sociale të qytetit dhe jo vetëm.

Kompleksi Kulturor dhe Arsimor “Hanım Sabuncu ”

Kompleksi Kulturor dhe Arsimor “Hanım Sabuncu ” i ndërtuar me mbështetjen e bamirësve nga Turqia dhe fondacionit “Hüdayi” filloi aktivitetin si një institucion kulturor, edukativ dhe arsimor. në 2019.

Qendra Kulturore Bilisht

Qendra Kulturore në Bilisht është konceptuar si një kompleks multifunksional me klasa, auditore dhe hapsira të përshtatshme për zhvillimin e veprimtarive të ndryshme kulturore, arsimore, edukative, sportive e sociale, të cilat do t’i shërbejnë të gjithë komunitetit të zonës.

Qendra Kulturore Ravza

Qendra Kulturore “RAVZA”, Tiranë e  filloi aktivitetin në gusht të vitit 2022 si një qendër kulturore, edukative, arsimore dhe akomoduese.

“RAVZA” ofron një larmi aktivitetesh sociale dhe sportive. Kurse të besimit dhe të njohurive Islame, kurse të gjuhëve të huaja. Arte të bukura përfshirë ebru,filografi, kaligrafi etj… Kurse të mësimeve pedagogjike dhe passhkollor.

Qendra Kulturore “Istanbul”

Qendra Kulturore “Istanbul”, Shkodër e  filloi aktivitetin në shtator të vitit 2024 si një qendër polifunksionale ku organizohen dhe zhvillohen e aktiviteteve të ndryshme kulturore, sociale, edukative, arsimore e bamirëse.

Qendra Kulturore “Istanbul” vjen për qytetin e Shkodrës si një mundësi e shkëlqyer për të gjitha moshat për tu bërë pjesë e aktiviteteve të saj të larmishme.