Një festë emocionuese, që përkoi në muajin e bekuar të Ramazanit u zhvillua për certifikimin e 95 maturanteve të vitit shkollor 2016-2017.
Aktiviteti “Lamtumira e maturanteve” ishte konceptuar nga grupi organizativ në tri pjesë, përkatësisht: “Emocion medreseje”; “Iftar Ramazani”; “Lamtumirë Maturë!”
Fjala poetike, interpretuar mjeshtërisht nga medresistet, tingujt melodioz të ilahive, certifikimi i nxënëseve të olimpiadave, përcjellja e pishtarit të diturisë brezave të ardhshëm, lotët e gëzimit dhe të ndarjes… të gjitha këto në një skenë madhështore u përcoll me duartrokitje të shumta.
