Me rastin e festës së Kurban Bajramit, shoqata “Istanbul” bëri shpërndarjen e mishit të kurbaneve për shtresat më në nevojë.
Nga 100 bagëti të trasha të therura, u shpërndanë 3500 pako mishi për individë dhe familje në nevojë në rrethet Shkodër, Tiranë, Malësi e Madhe, Mamurras, Kavajë, Lushnjë dhe Fier.
Projekti i kurbanëve u mbështet si çdo vit nga fondacioni Aziz Mahmud Hudayi, në Turqi.
[envira-gallery id=”3603″]
I gjithë procesi i zbatimit të këtij projekti, ku përfshihet furnizimi, transporti, therja, paketimi dhe shpërndarja u realizua nën kujdesin e veçantë të kryetarit të shoqatës “Istanbul” z.Ridvan Seferaj duke respektuar masat e sigurisë ndaj Covid-19.
Shoqata “Istanbul”, krahas urimit për festën e Kurban Bajramit, ju fton të gjithëve që t’i bashkoheni lutjeve tona drejtuar Zotit të Madhërishëm, që kohët e vështira e sfidat e mëdha që po kalon e gjithë shoqëria të përfundojnë dhe njerëzimi të ndjejë lehtësim nga vuajtjet dhe dhimbjet.
